Xhudoja është sport nacional në vendin tonë! Është sport që mburret kombit shqiptar.
Është sport që i ka sjellë të gjitha trofetë e mundshme deri te medalje e artë olimpike që e fitoi Majlinda Kelmendi në kategorinë -52 kg në Lojërat Olimpike – ‘Rio 2016’. Një e veçantë, e rrallë, vëlla e motër në sportin e xhudos, që e çojnë në këmbë botën sportive, janë Akil dhe Nora Gjakova.
Dy emra të mëdhenj, Akili garon në -73 kg dhe Nora -57 kg, që të premten mbrëma u shpallën Mbretër të sportit të Kosovës nga Komiteti Olimpik i Kosovës. Vëlla e motër, që u kanë lakmi jo vetëm Kosova por e gjithë bota sportive për shpirtin luftarak.
