Presidenti i Federatës së Xhudos së Kosovë, Agron Kuka, është i lumtur që xhudistja Distria Krasniqi (-48 kg) u stolis me medalje të bronztë në Kampionatin Botëror, që po mbahet në Tokio të Japonisë.
Distria përveç medaljes ka fituar edhe pikë të rëndësishme për Lojërat Olimpike.
“Distria sot në ditën e parë të Kampionatit Botëror që po mbahet në vendlindjen e xhudos, dëshmoj që është një nga garueset më të mira të rruzullit dhe arriti të fitoj medaljen e bronztë! Me vendin e tretë Distria fiton një mijë pikë olimpike, forcon pozitën e saj drejt Olimpiadës 2020”, tha Kuka për gazetën kombëtare “Bota sot”.