Përzgjedhësi i kombëtares së Kosovës në xhudo, Driton Kuka, ka pasur një mijë e një arsye që të fluturoi nga gëzimi jo vetëm për tri medalje të bronzta, por edhe që ka zbuluar një potencial të madh si Loriana Kuka, e cila bëri senzacion duke fituar medaljen e bronztë në kategorinë -78 kg në Kampionatin Botëror të Tokios në Japoni.
“Kisha vështirësi por ja arrita që gëzimi im për medaljen e Lorianës të ishte i matur!
Arsyen po e ndaj me ju!
Në ndërtimin tim si trajner përkrahjen më të madhe e kam pas nga Marjan Fabjan përndryshe trajner i garueses sllovene kundër të cilës Loriana garoj për medalje!
Njeri që e respektoj dhe çmoj më shumë se gjithë të tjerët në Botën e xhudos!
Para daljes në tatami trajnerët në mes vete s’flasin kurrë, para luftës ndërtohet një urrejtje në mes nesh, ndjenjë kjo e çuditshme por e tillë është.
S’doja të jem i tillë me Fabin, qëndrova larg para dhe pas luftës.
Ai e kishte vërejt që s’po ndjehem mirë dhe mbas ceremonisë kërkoj të dëgjohem dhe biseduam si miq, më relaksoj me bisedën e tij me mua!”, shkruan Kuka në profilin e tij në facebook.
