Irani është pezulluar nga gara ndërkombëtare - Bota Sot
Irani është pezulluar nga gara ndërkombëtare

Xhudo

Irani është pezulluar nga gara ndërkombëtare

Më: 18 shtator 2019 Në ora: 16:54
Irani është pezulluar nga gara ndërkombëtare

Irani është pezulluar nga gara ndërkombëtare në xhudo për shkak të bojkotimit të atletëve izraelitë.

Federata Ndërkombëtare e Xhudos ka thënë më 18 shtator se Irani është pezulluar nga gara për shkak të diskriminimit të atletëve izraelitë dhe shkeljeve tjera të lidhura me manipulim të rezultateve.

Federata ka thënë se “ka arsye të forta për të besuar se Federata e Xhudos në Iran do të vazhdojë të kryejë shkelje kundër interesave, parimeve dhe objektivave të Federatës Ndërkombëtare”.

Ky pezullim vjen pasi kampioni botëror, Saeid Mollaei është larguar muajin e kaluar nga ekipi iranian në shenjë proteste ndaj politikës së bojkotit, raporton REL.

Mollaei ka thënë se vazhdimisht i është kërkuar nga zyrtarë iranianë të sportit që të largohet nga turnetë, në mënyrë që të mos përballet me garues izraelitë.

Mollaei aktualisht është duke u fshehur në Gjermani. Irani nuk e njeh shtetësinë e Izraelit andaj ekipet iraniane në sport kanë vepruar sipas politikës së bojkotimit të izraelitëve për dekada.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...