(E plotësuar) - Reprezentuesja e Kosovës, Loriana Kuka (-78 kg), bëri një gabim dhe i kushtoi me humbje me ippon nga francezja Madeleine Malonga. Vërtet Loriana e filloi shumë bukur sfidën por sporti është i tillë apo siç i thonë i paparashikueshëm, duke pësuar humbje një minutë e 38 sekonda sa kishin mbetur deri në fund.
Kjo humbje assesi nuk duhet ta zhgënjejë Lorianën e cila tregoi luftëra të shkëlqyeshme, por që ishte e pafat dhe mbetet pa medalje, e cila kishte depërtuar deri në gjysmëfinale megjithatë në repezazh humbi në garën Grand Slam, që po mbahet në Abu Dhabi.
Loriana Kuka (-78 kG) u ndesh në gjysmëfinale me Klara Apotekarin e Sllovenisë, ku u zhvillua luftë e fortë deri në pikën e fundit.
Klara shtatlarte, por Loriana në asnjë çast nuk u dorëzua, duke dëshmuar fuqinë e saj. Në kohën e rregullt nuk pati fitues, ndërsa pas vazhdimeve Klara fitoi dhe Loriana nuk kishte fat e cila do të luftoi në repezash për medalje.
Loriana e fuqishme, nuk njeh rivale, me formën e saj po çmend arabët, ajo e mposht edhe anglezen Natalie Powell.
Xhudistja e talentuar e kombëtares së Kosovës, Loriana Kuka (-78), po shkon drejt medaljes në turneun Grand Slam në Abu Dhabi të Emirateve të Bashkuara Arabe.
Loriana e jashtëzakonshme, në rrethin e parë e mposhti me ippon garuesen nga Uzbekistani Nodira Yuldasheva dhe pastaj e shkatërroi kinezen Fei Ceh.
Në çerekfinale do të ballafaqohet me anglezen Natalie Powell.
Pritet një luftë jashtëzakonisht e fortë dhe edhe një shpërthim të Lorianës.