Komiteti Olimpik: Jemi me ushtarët dhe udhëheqësit e UÇK-së, ata janë frymëzimi jonë

Xhudo

Komiteti Olimpik: Jemi me ushtarët dhe udhëheqësit e UÇK-së, ata janë frymëzimi jonë

Më: 29 qershor 2020 Në ora: 22:29
Majlinda Kelmendi

Komiteti Olimpik i Kosovës, ka shkruar një shkrim prekës në mbështetje të Ushtrisë Çlirimtare të Kosovës.

Shkrimi i plotë:

Falë sakrificës dhe luftës së pastër të #çlirimtarëve tanë🙏, sportistët🥇 po e lartësojnë🔝#flamurin tonë🇽🇰 edhe në vendet që nuk e njohin #Pavarësinë e Kosovës👏

Dikur luanim në fushat me lloç, në oborre e salla të improvizuara. Madje, edhe ato aktivitete sportive që i bënim, shpesh ndaleshin në gjysmë, ndërsa organizatorët dhe sportistët përfundonin në burg.

Por, gjithçka ndryshoi në vitin 1999.

Sakrificat e mëdha dhe lufta e pastër e Ushtrisë Çlirimtare të Kosovës e solli lirinë. Çlirimtarëve tanë, heronjve dhe dëshmorëve, do t’u jemi mirënjohës tërë jetën, ashtu siç nuk do ta harrojmë kurrë edhe ndihmën e aleatëve tanë, NATO-s, në krye me SHBA-të.

Shumë sportistë ju bashkuan radhëve të UÇK-së. Në nderim të tyre, sot emërtohen shumë rrugë, sheshe e objekte sportive.

Në dy dekada liri, shteti ynë përjetoi sfida të ndryshme drejt shtetndërtimit, ndërsa sportistët luajtën një rol kyç dhe jo rastësisht sportistët u quajtën ambasadorët më të mirë të shtetit tonë.

Sportistët tanë e lartësuan flamurin tonë edhe në vendet që vazhdojnë të hezitojnë ta pranojnë Kosovën.

Kulmi i sukseseve është arritur me Kampionen Olimpike, Majlinda Kelmendi, medalja e Artë e së cilës bëri që Kosova të hyjë në mesin e 100 shteteve me medalje Olimpike.

Gjatë gjithë këtij rrugëtimi të sportistëve tanë, ata i mbeten mirënjohës luftës së Ushtrisë Çlirimtare të Kosovës, ndërsa çlirimtarët janë frymëzimi më i madh i tyre.

Andaj, në këto ditë të vështira për ushtarët dhe udhëheqësit e UÇK-së, që sakrifikuan shumëçka për lirinë dhe pavarësinë e vendit tonë, Komiteti Olimpik i Kosovës shpreh përkrahjen e fuqishme për të gjithë ata që kontribuuan që ne ta gëzojmë lirinë dhe të jemi të barabartë me shtetet tjera.

Shfaq komentet
comments powered by Disqus
Sot mund të lexoni Shfletoni kopertinat