Distria Krasniqi siguron medalje në “Grand Slam”, shkon në finale

Xhudo

Distria Krasniqi siguron medalje në “Grand Slam”, shkon në finale

Më: 23 tetor 2020 Në ora: 15:48
Distria Krasniqi

Distria Krasniqi është kualifikuar në finale të “Grand Slamit” të Hungarisë.

Xhudistja kosovare po dominon në kategorinë 48 kilogramë, në garën që po mbahet në Budapest.

Rrethin e parë, Distria e kaloi pa luftë, ndërsa në atë të dytë ishte më e mirë se hungarezja Eva Csernoviczki.

Në rrethin e tretë, përkatësisht në çerekfinale, Krasniqi e mposhti francezen Shirine Boukli.

E në gjysmëfinale, “Disi” e mposhti izraeliten Shira Rishony për ta prekur finalen.

Me këtë rast, Krasniqi e siguroi medaljen e argjendtë, ndërsa do të garojë për të artën sot.

Në finale ajo do të ketë punë me argjentinasen Paula Pareto.

Garat e xhudos u rikthyen sot pas tetë muajsh pauze shkaku i pandemisë COVID-19.

Ndërkohë, garuesit tjerë të Kosovës, Nora Gjakova, Flaka Loxha e Shigeki Nakamura janë eliminuar herët nga kjo garë. 

Shfaq komentet
comments powered by Disqus
Sot mund të lexoni Shfletoni kopertinat