Laura Fazliu i sjell Kosovës medaljen e dytë të artë

Trajneri më i mirë në botë, Driton Kuka, mburret me sukseset e garuesve të tij në Lojërat Mesdhetare.

Dy medalje të arta dhe dy të bronzta, janë sukses i madh.  

“Lojërat Mesdhetare Algjeri 

Plus dy copa!

Një e artë një e bronztë…

Laura konfirmoj që po rritet drejt majave Botërore.

Akili ju rikthehet medaljeve i bronztë me shkëlqim ari 

Arber Kullashi pati garën e parë serioze për të rritur,duhet ende punë deri te medaljet!

Kosova po bëhet dita ditës më e madhe nëpër Botë”, ka shkruar Kuka në profilin e tij në facebook.

Edhe një sukses i madh për shtetin e Kosovës nga Lojërat Mesdhetare në Algjeri.

"Laura Fazliu i ka sjell Kosovës medaljen e dytë të artë nga Lojërat Mesdhetare Oran 2022.

Xhudistja jonë triumfoi ndaj spanjolles, Perez Cabana, -63 kg", shkruan në faqen e KOK-ut.

Medalja e dytë e artë për Kosovën.

Sukses i madh për shtetin tonë, pas të artës së Distria Krasniqit dhe të bronztës së Flaka Loxhës, po ashtu me medalje është edhe boksieri Shpetim Bajoku.