(E plotësuar) - Majlinda Kelmendi ka fituar medaljen e artë në Grand Slamin e xhudos në Paris, duke mposhtur në finale xhudisten nga Japonia, Natsumi Tsunoda.
Krenaria e Kosovës në kategorinë deri në 52 kilogramë, ka mposhtur 1:0 Natsumi Tsunoda.
Ky është viti i katërt radhazi që Majlinda triumfon në njërin nga turnet më të rëndësishëm në sportin e xhudos.
Kjo ishte atmosfera drithëruese në Paris ku fiton Majlinda
Mbi 15 mijë shikues, ndoshta edhe më shumë ishin në palestrën e sportit në Paris ku triumfoi Majlinda Kelmendi në kategorinë 52 kg. Krenaria e sportit tonë, kampionia olimpike Majlinda shkëlqeu së bashku me xhudisten Distria Krasniqi, kjo e fundit fitoi medaljen bronztë.
Driton Kuka, përzgjedhës i kombëtares së Kosovës, ka postuar një foto ku shihet atmosfera drithëruese: “Disi e bronztë Majlinda e artë. Të mëdhenj janë Shqiptarët!”.
Meçi i plotë i Majlinda Kelmendit ndaj japonezes Tsunoda
Majlinda ka vazhduar dominimin në xhudon botërore, duke u stolisur sot me një tjetër medalje të Artë
Në finale e Grand Slamit në Paris, Kampionia Olimpike u përball me japonezen Natsumi Tsunoda, që në gjysmëfinale kishte mposhtur Distria Krasniqin.
Kelmendi u treguar e fortë për japonezen, duke fituar kështu medaljen e katërt me radhë të Artë në Paris.
Meçin e plotë të Majlindës ndaj Tsunodas mund ta shikoni në linkun më poshtë.
Distria Krasniqi fiton medaljen e Bronztë në Paris
Distria Krasniqi ka fituar medaljen e bronztë në Grand Slamin e Parisit.
Xhudistja nga Kosova ka mposhtur me ippon nikoqiren franceze Astride Gneto.
Kjo është medalja e parë për xhudisten Krasniqi në Grand Slamin e Francës.
Krasniqi prek gjysmëfinalen, pritet finale e Kosovës në Paris
Distria Krasniqi ka kaluar në gjysmëfinale, aty ku po e pret japonezja Natsumi Tsunoda.
Krasniqi kaloi në gjysmëfinale pak minuta pasi këtë e bëri edhe kampionia olimpike Majlinda Kelmendi.
Dyshja e xhudisteve tona mund të ndeshet në finale në rast se fitojnë gjysmëfinale e tyre.
