Sa pikë në ranglistën botërore fituan Distria, Nora e Fjolla? - Bota Sot
Sa pikë në ranglistën botërore fituan Distria, Nora e Fjolla?

Xhudo

E martë, 16 tetor 2018

Sa pikë në ranglistën botërore fituan Distria, Nora e Fjolla?

Më: 6 prill 2018 Në ora: 17:55
Distria Krasniqi gjatë garës

Driton Kuka, përzgjedhës i kombëtares së Kosovës, është sikurse në qiellin e shtatë me sukseset e Distria Krasniqit (52 kg), Nora Gjakovës (57 kg) e Fjolla Kelmendit (48 kg). Tri medalje, dy të arta e një të argjendtë i sollën shtetit të Kosovës nga gara Grand Prix në Antalia të Turqisë.  Distria e Nora janë të arta dhe Fjolla e argjendtë.  Distria dhe Nora fituan nga 700 pikë të reja në ranglistën botërore, kurse Fjolla 490 pikë.  Dy të arta e një argjendtë, a është një sensacion, për faktin se garueset tuaja dominuan në tërësi?  “Sot ekipi ynë ishte në nivel të lartë, shpresoj që edhe Akili (Gjakova) e Loriana (Kuka) do të jenë në formë të mirë nesër e pasnesër. Ishte garë më rëndësi për Ranglistën Botërore dhe po ashtu test për Evropianin në fund të muajit. Distria e Nora fituan 700 pikë të reja, kurse Fjolla 490”, tha Kuka për gazetën kombëtare “Bota sot”. 

Image

Nora Gjakova

Kuka në një shkrim në profilin e tij në facebook, kështu i ka komentuar sukseset e garuesve të tij. “Nora Gjakova gjatë ditës fitoj luftërat, por nuk ishte në elementin e saj më të mirë por në finale shkëlqeu kundër koreanes Jandi Kim dhe fitoj të artën në 57 kg! Distria Krasniqi fillim e mbarim dominoj garën në 52 kg, shkëlqeu në çdo luftë dhe paralajmëroj medalje në Evropian këtë muaj! Befasia e këndshme Fjolla Kelmendi në 48 kg në finale u mposht në sekonda të fundit por ajo nuk po dorëzohet dhe po imponohet që ka ende për të treguar në arenën ndërkombëtare! Nesër garon Akili e pasnesër Loriana, Leutrimja mbeti sot pa medalje, por pas shumë lëndimeve edhe ajo po rikthehet Grand Prix Antalya me ekip gjendet presidenti i Federatës (Agron Kuka), ekipi ishte dakord që këtë fundjavë ti përcjell nga shtëpia garat afër familjes që shumë kohë kalon pa mua gjatë përgatitjeve e garave të shumta! Krenar me ju, Kosova po bëhet miq, kombi yn? shqiptar ka vlera kjo nuk do koment”, shkruan Kuka.

Më të lexuarat
Sot mund të lexoni Shfletoni kopertinat
Sondazh
test