Besim Hasani takohet xhudistin Udo Legrand - Bota Sot
Besim Hasani takohet xhudistin Udo Legrand

Xhudo

E mërkurë, 17 tetor 2018

Besim Hasani takohet xhudistin Udo Legrand

Më: 30 maj 2018 Në ora: 12:34
Besim Hasani takim me xhudistin

Presidenti i Komitetit Olimpik të Kosovës, Besim Hasani, ka pritur medalistin e bronztë nga Lojërat Olimpike Londër 2012, xhudistin Udo Legrand.

Francezi që ka përfunduar karrierën e tij në vitin 2015, po e viziton Kosovën me ftesë të organizatës Play International Kosova (PIK). Ai shoqërohej në takim nga Ana Landeret (PIK).

I pranishëm në takim ishte edhe drejtori i Departamentit të Sportit në Ministrinë për Kulturë, Rini e Sport, Ibër Alaj.

.Presidenti Hasani e falënderoi ish-xhudistin Legrand për vizitën që po i bënë Kosovës, derisa e njoftoi me procesin e ndërkombëtarizimit të sportit të Kosovës, të arriturat e sportit tonë, pas ndërkombëtarizimit, me theks të veçantë ato të xhudos. 

Ndërkohë, drejtori Alaj e njoftoi me infrastrukturën sportive në vend, në veçanti me Qendrën Nacionale të xhudos, ndërtimi i së cilës tha se do të nis këtë vit në Pejë

.Legrand falënderoi presidentin Hasani për pritjen, derisa shprehu gatishmërinë për bashkëpunim të mëtutjeshëm me KOK-un dhe vetë xhudistët tanë.

Një ditë më parë, ai kishte takuar edhe kampionen olimpike nga Rio 2016, Majlinda Kelmendin dhe trajnerin e saj, Driton Kuka.

Në fund, presidenti Hasani i dhuroi librin debutimi i artë, kushtuar medaljes së artë të Majlinda Kelmendit në Lojërat Olimpike Rio 2016.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test