Ranglista e re botërore e xhudos, ja ku renditen sportistet nga Kosova pas katër medaljeve - Bota Sot
Ranglista e re botërore e xhudos, ja ku renditen sportistet nga Kosova pas katër medaljeve

Xhudo

Ranglista e re botërore e xhudos, ja ku renditen sportistet nga Kosova pas katër medaljeve

Më: 30 tetor 2018 Në ora: 17:04
Majlinda Kelmendi

Federata Ndërkombëtare e Xhudos (IJF) ka publikuar renditjen e re të përditësuar botërore.

Xhudistët nga Kosova, Majlinda Kelmendi, Akil Gjakova, Nora Gjakova e Distria Krasniqi, që të katërtit fituan medalje në Grand Slamin e Abu Dhabit.

Në ranglistën e përditësuar botërore për seniorë, më së larti gjendet Nora Gjakova, që në këtë turne fitoi medalje të artë.

Gjakova pas këtij triumfi, tashmë renditet në pozitën e tretë në ranglistën botërore, në kategorinë -57 kilogramë.

Akil Gjakova, që e fitoi të argjendtën, me 3754 pikë në kateorinë -73 kilogramë renditet në pozitën e tetë.

Distria Krasniqi që po ashtu e fitoi të argjendtën, është në vendin e 6-të në kategroinë -52 kilogramë, me 4504 pikë të tubuara, derisa gjendet rreth 500 pikë larg top 3-shes në këtë ranglistë.

Kurse, 16 pozita më poshtë se Distria është Majlinda Kelmendi, që tashmë me 1910 pikë renditet në pozitën e 22-të.

Kampionia olimpike e Rio 2016 arriti që me t’u rikthyer nga lëndimi të kthehej te medalja, duke fituar po ashtu të argjendtën.

Majlinda u kthye me medalje, por në finale iu desh ta ndërpresë luftën shkaku i gjakderdhjes që e pësoi nga çarja në hundë.

Finalja e Majlindës ishte sfida kulmore në kthimin e saj dhe filimin e ngjitjes në ranglistën botërore dhe mbledhjen e pikëve të nevojshme për kualifikim në Lojërat Olimpike Tokyo 2020.

Image
Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test