Jo vetëm familjarët e ngushtë të 7-vjeçarit me inicialet I.M. që u vra të enjten në Zvicër, morën pjesë në varrimin e I.M, raporton sot gazeta zvicerane Blick.ch.
Siç shkruan Blick.ch, ka pasur vetëm trishtim dhe konfuzion në varrimin e 7-vjeçarit I.M..
Përveç të afërmve të familjes së fëmijës së ndjerë, edhe qindra qytetarë të tjerë nga Gjilani morën pjesë në varrim.
“Nuk ka rëndësi nëse ne e njihnim të ndjerin. Unë marrë pjesë në të [në varrim, v.j] nga respekti për familjen”, thotë një që mori pjesë në varrim.
I.M. u vra në mënyrë brutale nga një 75-vjeçare në Zvicër.
Kujtojmë se Ministria e Punëve të Jashtme e Kosovës ka njoftuar se Ambasada e vendit në Bern dhe Konsullata në Cyrih, kanë ndërmarrë të gjitha veprimet dhe masat e nevojshme në lidhje me rastin tragjik të vrasjes së 7-vjeçarit në Bazel nga shtetasja zvicerane.
