Kosova dhe Zvicra me memorandum për parandalim të torturës - Bota Sot
Kosova dhe Zvicra me memorandum për parandalim të torturës

Zvicra

Kosova dhe Zvicra me memorandum për parandalim të torturës

Më: 24 prill 2019 Në ora: 16:13
Pamje nga takimi

Komisioni Kombëtar Zviceran për Parandalim të Torturës dhe Institucioni i Avokatit të Popullit nënshkruan sot memorandumin e mirëkuptimit për monitorim të përbashkët të operacioneve të kthimit me forcë ndërmjet Zvicrës dhe Kosovës.

Kjo marrëveshje është e një rëndësie të veçantë për të dy institucionet, është marrëveshja e parë ndërkombëtare e kësaj natyre për të dy institucionet, si për Komisionin Kombëtarë Zvicrën për Parandalimin e Torturës dhe po ashtu edhe për Institucionin e Avokatit të Popullit, në kuadër të cilit është Mekanizmi Kombëtar për Parandalimin e Torturës për Kosovë.

Gjatë ceremonisë së nënshkrimit, të gjitha palët theksuan rëndësinë e bashkëpunimit në çështje të interesit të përbashkët.

Ky memorandum i mirëkuptimit përcakton kornizën e bashkëpunimit ndërmjet Komisionit Kombëtar për Parandalim të Torturës dhe Institucionit të Avokatit të Popullit, të cilët veprojnë si Mekanizma Kombëtar për Parandalim të Torturës lidhur me monitorimin e përbashkët të operacioneve të kthimit me forcë ndërmjet Zvicrës dhe Kosovës.

Përmes këtij memorandumi, palët bien dakord që të bashkëpunojnë për së afërmi dhe do të konsultohen me njëra tjetrën në çështje të interesit të përbashkët me qëllim të arritjes së qëllimit të përbashkët, që të sigurohen që të kthyerit janë trajtuar mirë nga policia Zvicerane gjatë operacionit të kthimit dhe që ata të trajtohen mirë në mënyrë humane që nga momenti i dorëzimit tek autoritetet policore të Kosovës në Aeroportin Ndërkombëtarë të Prishtinës.

Procesi i monitorimit do të përfshijë fazën e dorëzim-pranimit në Aeroportin Ndërkombëtar të Prishtinës, procedurat hyrëse në pikën kufitare të zbatuara nga Policia e Kosovës, shërbimet mjekësore, çdo procedurë tjetër vlerësimi, si dhe dërgimin në qendrën e mbajtjes nëse zbatohet.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...