Polici zviceran akuzohet se është korruptuar nga rusët - Bota Sot
Polici zviceran akuzohet se është korruptuar nga rusët

Zvicra

Polici zviceran akuzohet se është korruptuar nga rusët

Më: 31 maj 2019 Në ora: 21:28
Foto ilustrim

Në Gjykatën Penale Federale të Zvicrës, në Bellinzona, ka filluar procesi kundër një ish polici federal, ekspert i Rusisë. Ai ngarkohet për shfrytëzim të shumëfushtë të favoreve ose për marrje të mitos.

Personi sot 59 vjeçar, akuzohet se në periudhën 2014-2016 ka pranuar nga autoritetet ruse veç tjerash, pagesë të shpenzimeve të hoteleve dhe si dhuratë një “safari”, prej një jave qëndrim gjuetie të arinjve në Kamchatka të Rusisë.

Në fillim të procesit, dëshminë e tij lidhur me rastin e ka dhënë edhe prokurori federal, Michael Lauber, transmeton albinfo.ch. Ai ka thënë se nuk ka pasur njohur rreth udhëtimeve të përmendura të ish policit federal.

Ndërsa avokati i të akuzuarit ka theksuar se “safari” për arinj në Rusi është bërë me dijen dhe urdhrin e Prokurorisë Federale.

Më parë, Prokuroria Federale e kishte dënuar ish policin dhe hetuesin për veprat e përmendura penale me një dënim me të holla prej 10 njësishë ditore nga 190 franga dhe me një gjobë prej 2500 frangash, përcjell albinfo.ch. Pasi që procedura penale ishte ndërprerë për shumicën e pikave të akuzës, Prokuroria Federale ia kishte reduktuar atij në fund dënimin në duke e urdhëruar të paguajë 1100 franga nga shuma e përgjithshme e  shpenzimeve procedurale që ishte 5500 franga.

Por, pasi që eksperti i Rusisë kishte bërë ankesë, lënda i ka shkruar Gjykatës Federale Penale.

Procesi vazhdon të martën e javës që vjen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...