Arrestohet në Zvicër shqiptari i shumëkërkuar, pjesë e një bande të rrezikshme të shpërthimeve me celular

Zvicra

Arrestohet në Zvicër shqiptari i shumëkërkuar, pjesë e një bande të rrezikshme të shpërthimeve me celular

Më: 15 janar 2020 Në ora: 10:03
Foto ilustrim

Një 43-vjeçar shqiptar, i shpallur në kërkim ndërkombëtar, është arrestuar në Zvicër dhe është ekstraduar drejt vendit tonë, ku do të vuajë dënimin.

Në pranga ka rënë shtetasi Glerian Hyseni, banues në Durrës, i dënuar me 6 vite burg, pasi akuzohet për “Mbajtja pa leje e bombave, minave ose lëndëve plasëse”.

Njoftimi i policisë:

Interpol Tirana

Një tjetër person i kërkuar ka rënë në pranga, falë bashkëpunimit të Interpol Tiranës me homologët.

Kapet në Zvicër dhe ekstradohet në Shqipëri 43-vjeçari i dënuar me 6 vite burg.

Nga specialistët e ZQK Interpol Tirana u bë ekstradimi nga Zvicra drejt vendit tonë, i shtetasit shqiptar Glerian Hyseni, 43 vjeç, banues në Durrës.

Ky shtetas ishte shpallur në kërkim ndërkombëtar, pasi Gjykata e Shkallës së Parë për Krimet e Rënda Tiranë e ka dënuar këtë shtetas me 6 vjet burg, për veprën penale “Mbajtja pa leje e bombave, minave ose lëndëve plasëse”, e kryer në sasi të mëdha, në bashkëpunim, më shumë se një herë.

PËRSHKRIM I PËRMBLEDHUR I NGJARJES:

Shtetasi Glerian Hyseni, në bashkëpunim me shtetasit Sh. Gj., A. M. dhe H. H., kundrejt pagesës dhe për qëllim fitimi arrinte të gjente sasi lëndësh plasëse që shpërthenin në distancë me anë të celularit, si dhe armë e municione të ndryshme luftarake.

commentFirst article
Sot mund të lexoni Shfletoni kopertinat