Zvicër: Të kthyerit do të mbajnë karantinën edhe nëse kanë test negativ

Zvicra

Zvicër: Të kthyerit do të mbajnë karantinën edhe nëse kanë test negativ

Më: 29 korrik 2020 Në ora: 18:38
Foto ilustrim

Edhe përkundër faktit se kanë rezultat negativ të testit, infeksioni nuk mund të përjashtohet: virusit i duhen të paktën pesë ditë që të përhapet në trup në mënyrë që të mund të zbulohet nga një shtupë. Kështu kanë thënë të mërkurën përfaqësues të BAG, për agjencinë e lajmeve, SDA.

Po kështu, detyrimin për mbajtje të karantinës dhjetë ditore nuk mund ta shkurtojnë as ata që kanë një test negativ. Detyrimi për karantinë dhjetë ditore është në fuqi që nga 6 korriku dhe ai vlen për njerëzit që vijnë nga njëri prej 42 vendeve me rrezik të rritur të infeksionit.

Siç është raportuar tashmë, refuzuesit e karantinës përballen me një gjobë të rëndë: Kushdo që i shmanget  karantinës ose nuk raporton pranë autoriteteve kantonale brenda dy ditëve nga kthimi i tyre, mund të gjobitet deri në 10.000 franga.

Kantonet, sipas të dhënave të tyre,  kryejnë kontrolle të rastësishme, në parimin e mostrës për të vërtetuar nëse po mbahet karantina.

commentFirst article
Sot mund të lexoni Shfletoni kopertinat