Këta janë shqiptarët e parë që shkuan të punojnë në ndërtim në Zvicër

Zvicra

Këta janë shqiptarët e parë që shkuan të punojnë në ndërtim në Zvicër

Më: 17 gusht 2020 Në ora: 17:38
Këta janë shqiptarët e parë që shkuan të punojnë në ndërtim në Zvicër

Janë afër 115 mijë shqiptarë nga Kosova në Zvicër, që shumica prej tyre punojnë, dhe jo vetëm.

Një numër i madh shqiptarësh sot atje kanë kompani të mëdha e janë figura publike.

Një masë e madhe e futbollit zviceran mbahet me shqiptarët e Kosovës, por edhe qytete të ndryshme kanë politikanë shqiptarë.

Mirëpo, gjithçka ka filluar herët në kohë.

Një video e publikuar më parë, e marrë nga televizioni shtetëror zviceran, SRF, tregon për shqiptarët e parë që kanë shkuar të punojnë në Zvicër nga Jugosllavia në vitin 1973.

Image

Personazhi që merret në këtë reportazh është Isak Bytyçi, që në dokumente shkruan se është nga Nishori i Suharekës.

Ai tregon se është i martuar dhe ka fëmijë, teksa vendlindjen e ka diku 3000 kilometra larg.

Letrat mes këtyre kilometrave shkojnë e vijnë 1-2 herë në muaj, për çka ai edhe komunikon kaq me familjen.

“Dy fëmijët e mi shkojnë në shkollë. Fëmija më i madh e ka lënë shkollën, kurse tjerët po vazhdojnë”, thotë përafërsisht Bytyçi.

Ai për fshatin Nishor tregon se ka 60 shtëpi, atëbotë, s’ka kishë e xhami, por që njerëzit punojnë dhe merren me bagëti e bujqësi.

Isak Bytyçi thotë se ka punuar në ndërtim edhe në Jugosllavi, por që në “Zvicër paguhet më shumë”.

Ai thotë se do të qëndrojë sa ta lejojnë.

Shfaq komentet
comments powered by Disqus
Sot mund të lexoni Shfletoni kopertinat