Vrasja e shqiptarit nga Kosova në Cyrih: Vajza e tij arrestohet si e dyshuar

Zvicra

Vrasja e shqiptarit nga Kosova në Cyrih: Vajza e tij arrestohet si e dyshuar

Më: 25 shtator 2020 Në ora: 20:16
47-vjeçari

Një person 47-vjeçar ka mbetur i vdekur pas një zënke në familje mëngjesin e së enjtes në Cyrih, ndërsa janë lënduar gruaja dhe e bija e tij. Autoritetet zvicerane ndërkohë e kanë arrestuar të bijën e tij 18-vjeçare, pasi që ajo akuzohet se e vrau babanë, shkruan Blick.ch.

Siç ka raportuar “20.minuten”, bëhet fjalë për një 47-vjeçar, që është lindur në Kosovë dhe është marrë me biznes të veturave për 20 vjet.

“Unë e njoh atë dhe familjen e tij gjatë”, ka thënë një nga punëtorët e M.B. “Kurrë nuk ka pasur zënka. Ishin njerëz shumë paqësor. Është e trishtueshme çfarë ka ndodhur”.

Siç ka rrëfyer ai, B. kishte ardhur si 16-vjeçar nga Kosova në Zvicër dhe me bashkëshorten kishte dy fëmijë, një dal e një vajzë.

“Janë njerëz shumë të mirë. Djali po studion dhe e ka kompaninë e tij”, ka thënë punonjësi. Edhe vajza e tij ka thënë se planifikonte të studionte e bashkëshortja punonte në firmën e B.

Në Facebook B. kishte postuar në të kaluarën shumë foto me familjen. Para 15 orëve kishte postuar një foto duke tymosur një cigare.

Shfaq komentet
comments powered by Disqus
Sot mund të lexoni Shfletoni kopertinat