Kanë kaluar dhjetë ditë që kur Ardit Nikçi, 20 vjeccar humbi jetën në stacionin e karburantit Avia në Lucern të Zvicrës, pas një grindjeje mes dy grupeve. Thuhet se gjatë përleshjes janë përdorur gurë, thika, një çekiç dhe mjete të tjera. Thuhet se shkaku i përleshjes kanë qenë parat.
Tani policia e Lucernit duket se ka kapur personin që ka të ngjarë të jetë përgjegjës për vdekjen e shoferit të ri të kamionit nga Lucerni. "Ne shumë shpejt identifikuam dhe arrestuam të gjithë të dyshuarit," konfirmon Simon Kopp (52) nga zyra e prokurorit publik në Lucern.
"Të dyshuarit në lidhje me vrasjen në Lucern janë në paraburgim."
Si ka ndodhur në të vërtetë krimi dhe kush e vrau viktimën, tani ngjarja po rindërtohet hap pas hapi.
Shtatë persona tani janë në paraburgim
Ndërkohë, "paraburgimi është dhënë për shtatë persona", sipas Kopp, për pesë persona edhe deri në fund të dhjetorit. Këta janë njerëz nga Siria (5), Zvicra (1) dhe Iraku (1) - përfshirë një grua.
Sipas hulumtimit të medias zviceran Blick, gjurmët e të arrestuarve çojnë në një familje në dy fshatra në kantonin Lucern dhe në një qytet në Zvicrën veriore, transmeton “Bota sot”.
Hetimi për zënkën që rezulton me vdekje
Kopp nuk flet në lidhje me deklaratat e të dyshuarve në paraburgim, nëse ka pas ndonjë pranim të fajësisë apo të dyshuarit kanë të heshtur.
"Do të ishte e ndërlikuar të jepnim informacion nga hetimet në vazhdim".
Ai gjithashtu nuk komentoi sjelljen e njerëzve gjatë ekzaminimit. Përveç rrjedhës së krimit, sqarohet edhe motivi.
Një gjë është e sigurt: zyra e prokurorit publik po kryen hetimet për zenken qe rezultoi me vdekje.
Për momentin, Kopp nuk thotë se cilat armë dhe objekte janë përdorur për viktimën dhe personat e tjerë të plagosur, "për arsye të hetimeve taktike". "Së pari të gjithë duhet të intervistohen."
Për më tepër, raporti nga Instituti i Mjekësisë Ligjore mbi shkaqet e vdekjes së viktimës është ende në pritje.
"Ne kontrollojmë materialin e imazhit sekondë për sekondë"
Po në lidhje me fotografitë e mbikëqyrjes nga stacioni i benzinës? A mund të shihet vepra në të? Kopp thotë vetëm: "Regjistrimet video ndihmojnë gjithmonë në lidhje me hetimet. Vlerësimet janë në vazhdim. Ne i kontrollojmë pamjet sekondë për sekondë. Në fund është si një mozaik në të cilin të gjitha pjesët duhet të përshtaten së bashku", transmeton “Bota sot”.
Ndërkohë, personi i fundit i plagosur gjithashtu është liruar nga spitali - ajo është një nga shtatë personat që janë në paraburgim./BS
