Shembet akulli në alpet zvicerane, raportohet për viktima

Zvicra

Shembet akulli në alpet zvicerane, raportohet për viktima

Nga: M.L. Më: 27 maj 2022 Në ora: 14:25
Foto ilustrim

Në Grand Combin në Valais, rënia e copave të akullit plagosi disa alpinistë të premten në mëngjes, shkruajnë mediet zvicerane transmeton "Bota sot".

Policia kantonale ende nuk ka bërë të ditur nëse ka viktima.

Për operacionin e shpëtimit janë përdorur shtatë helikopterë.

Rreth 15 persona ndodheshin në zonën e aksidentit në momentin e ngjarjes.

Alarmi ra rreth orës 06:20, tha policia. Maja e Grand Combin është 4314 metra mbi nivelin e detit, në një masiv malor në jug të Martigny, midis luginave Val de Bagnes dhe Val d'Entremont.

Rënia e akullit ndodhi në 3400 metra mbi nivelin e detit në zonën "Plateau du Déjeuner" gjatë ngjitjes në Grand Combin nëpërmjet "Voie du Gardien".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat