Mbi 12 mijë veta në Cyrih për “Alba Festival”, publikun e përshëndet edhe presidentja Osmani

Zvicra

Mbi 12 mijë veta në Cyrih për “Alba Festival”, publikun e përshëndet edhe presidentja Osmani

Më: 3 korrik 2022 Në ora: 08:52
“Alba Festival”

Një festival vere në zemrën e qytetit të Cyrihut me emrin “Alba festival”, ku artistë nga Kosova, Shqipëria dhe Maqedonia e Verit dhe të gjitha trojet shqiptare, po marrin pjesë nën tingujt e muzikës së bukur shqipe. Bëhet fjalë për muzikën rock, pop dhe rap.

Publikun e ka përshëndetur përmes një videoje edhe presidentja e Republikës së Kosovës, Vjosa Osmani.

Programin e ka hapur këngëtarje e njohur e hip-hopit, Kida. Më tutje, publikun në numër të madh e ka befasuar paraqitja e këngëtarit të madh nga Prishtina, Sabri Fejzullahu. Ai ishte paralajmëruar për programin e sotëm, por megjithatë dje ka kënduar shkurt para publikut të madh.

Bendi i njohur nga Tetova, “Elita pesë”, bëri një performancë fantastike me një 40 minutësh në vazhdim.

Kanë performuar edhe Ermal Fejzullahu, Ledri Vula, MC Kresha, Lyrical Son, Mozzik etj.

Në pasditen e të shtunës verore, nën vapën e korrikut, në këtë event të shumëpritur ritmi i muzikës shoqëron mirë dhe këndshëm një mori njerëzish. Është një vlerësim se këtu janë më shumë se 12 mijë pjesëmarrës, kryesisht shqiptarë, por edhe të tjerë: zviceranë e të huaj.

Festivali vazhdon deri vonë sonte dhe nesër gjatë gjithë ditës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat