145 deri 205 kilogram heroinë konsumohet brenda vitit në kantonin Waadt të Zvicrës dhe kjo në shifra përkthehet nga 7.9 deri 11.2 milion franga, shkruajnë një sërë mediash zvicerane duke u mbështetur nga studimi disa vjeçar i tregut të heroinës prej “Sucht Schweiz” me ndihmën e spitalin dhe universitetit të Lausanës. E gjithë kjo ishte financuar edhe nga autoritetet kantoniale. Në gjithë Zvicrën kjo kap shifrën e 2 tonëve dhe përfitime prej qindra-milion eurove.
“Si vendi kryesor i shitblerjes së heroinës është Die Place de la Riponne, ndërsa shqiptarët etnikë kanë në duar pothuajse gjithë tregun e heroinës në vendin helvet,” transmeton “Bota sot”. ““Kur sot bëhet fjalë për shitje të heroinës, pothuajse në të gjitha rastet janë të përfshira bandat shqiptare.”
Shumica e këtyre shqiptarëve jetojnë në Zvicër si turistë, ndërsa në realitet janë diler të drogës. Në lidhje me këtë, autori i studimit, Frank Zobel thekson se ky treg i heroinës është jashtëzakonisht stabil dhe se “kjo gjë konfirmohet edhe nga policia zvicerane, për shembull, Cyrihut, ku thuajse çdo javë njofton për kapjen e ndonjë shitësi shqiptar të drogës. Sipas rregullit, janë “peshqit e vegjël” ata që kapen.”
Vështirësia e kapjes së “peshqive të mëdhej” është për arsye se ata janë pothuaj të panjohur dhe s’kanë asnjë kontakt me dilerët e rrugëve. Studimi i radhës pritet të bëhet për tregun e kokainës./Bota sot
