Profesori i Shkencave Kompjuterike dr. Driart Elshani do të ligjërojë në OKB në Gjenevë për të dhënat e hapura.
Driart Elshani, profesori i Shkencave Kompjuterike do të ligjërojë të martën në Gjenevë në Forumin e Organizatës së Kombeve të Bashkuara për Qeverisjen e Internetit.
Në ligjëratën e tij Elshani do të flasë për të dhënat e hapura në rastin e Kosovës.
Në forumin ku do të ligjërojë Elshani, diskutohet edhe për sigurinë kibernetike dhe çështje të tjera që lidhen me internetin.
Profesorin Elshani e ka përgëzuar për ligjëratën që do të mbajë, edhe ambasadorja e Kosovës në ShBA Vlora Çitaku
“Sa mirë me pa kësi lajme!! Bravo Driart Elshani!”, ka shkruar Çitaku në Facebook.
Në vitin 2014, Driart Elshani ishte i ftuar në Emisionin “Jeta në Kosovë” që iu kushtua të kthyerve në Kosovë pas shkollimit në vendet perëndimore.
