Greqia do të blejë nga Izraeli sisteme armatimi me vlerë 100 milionë euro.
Në lajmin e gazetës greke "Elefteros Tipos" bëhet e ditur se Greqia do të blejë nga Izraeli sisteme armatimi të tipit SPICE 1000 dhe SPICE 2000 për avionët luftarakë të tipit F-16 dhe F-4 që ka në inventarin e ushtrisë.
Në lajm bëhet e ditur që mes Greqisë dhe Izraelit është planifikuar edhe zhvillimi i bashkëpunimit në fushat e armatimit dhe të stërvitjeve ushtarake.
Pritet që çështja të shqyrtohet në mënyrë gjithëpërfshirëse gjatë vizitës së Ministrit të Mbrojtjes së Greqisë, Evangelos Venizelos në muajin mars në Izrael.