Izraeli miratoi ndërtimin e 1.600 shtëpive të reja për hebrenjtë në Jerusalemin Lindor, duke u kërcënuar t’a vë në hije vizitën e nënpresidentit amerikan.
Autoritetet thanë se shtëpitë do të ndërtohen në pjesën e qytetit, të cilën palestinezët e pretendojnë për kryeqytetin e ardhshëm të tyre.
Vendimi vjen pasi nënpresidenti Xho Bajden e siguroi kryeministrin Benxhamin Netanjahu për mbështetjen e palëkundur të Shteteve të Bashkuara.
“Gurthemeli i marrëdhënieve tona është përkushtimi ynë absolut, total dhe i palëkundur për sigurinë e Izraelit”, tha Bajden.
Ai tha se është i bindur se Izraeli është i gatshëm “të rrezikojë për paqen” në Lindjen e Mesme.