Ministrja e shëndetësisë e Rusisë, Tatjana Golikova, tha se pothuajse gjysma e 96 trupave të pajetë nga rrëzimi i aeroplanit presidencial polak, janë identifikuar.
Prej ditës së sotme, trupi i pajetë i presidentit të Polonisë, Leh Kaçinski, do të ekspozohet në Varshavë, në mënyrë që njerëzit të mund i bëjnë nderimin e fundit. Trupi i tij ishte i pari që ishte identifikuar.
Ministrja Golikova tha se trupi i bashkëshortes së presidentit të ndjerë, Maria Kaçinski, e cila po ashtu humbi jetën në rrëzimin e aeroplanit polak afër qytetit Smolensk në pjesën perëndimore të Rusisë, gjatë ditës së sotme do të kthehet në Rusi.
Pritet që i ndjeri Kaçinski të varroset të shtunën.
