Përmbytjet masive në Pakistan kanë dëmtuar 13.8 milionë njerëz dhe pasojat ia kanë kaluar atyre të cunamit në vitin 2004, bëjnë të ditura Kombet e Bashkuara.
Qeveria pakistaneze dhe organizata botërore kanë bërë thirrje për më shumë fonde dhe ndihma emergjence për të përballuar përmbytjet më të rënda në 80 vitet e fundit.
“Kjo katastrofë është më e rëndë se cunami, tërmeti i 2005 në Pakistan dhe tërmeti në Haiti”, tha Mauricio Xhiuliano, zëdhënës i Agjencisë për Çështje Humanitare të OKB-së.
Të dielën, 50 njerëz e humbën jetën nga rrëshqitja e dheut, që u nxit nga shirat e mëdha. Zyrtarët thonë se të paktën 1.600 njerëz kanë vdekur që nga fillimi i katastrofës.
