Praktikat e gjertanishme si dhe të arriturat në punën e ruajtjes, përpunimit dhe bartjes së informacioneve bibliografike të librit shqip nga format tradicionale deri te modernizimi i bibliotekave shqiptare janë temat të cilat do të trajtohen gjatë këtyre dy ditëve në Konferencën Kombëtare e Bibliografisë.
Drejtori i Bibliotekës Kombëtare Universitare të Kosovës, Sali Bashota, tha se edicioni i këtij viti si dhe tema që do të shqyrtohet është me interes për burimet e informacionit edhe sa i përket prezantimit të bibliografisë elektronike në internet.
Në këtë konferencë pritet të paraqiten kumtesa nga njohësit më të mirë, me formim kulturor dhe bibliotekar, nga Shqipëria dhe Kosova.
Edicioni i katërt i Konferencës Kombëtare të Bibliotekarisë mbahet me mbështetjen e Ministrisë së Arsimit si dhe Ministrisë së Kulturës të Shqipërisë.
