Ashtu siç parashikohej, Cmimi i Madh i Japonisë në Moto GP është shtyrë.
Gara që parashikohej të zhvillohej më 24 prill në cirkuitin e Motegit, e treta e kampionatit botëror, do të zhvillohet më 2 tetor.
Vendimi është marrë pas tërmetit që tronditi Japoninë javën e kaluar.
Gjithsesi, nuk përjashtohet që ky vendim të rishikohet nga Dorna (shoqëria që organizon Moto GP) duke marrë parasysh situatën e centraleve bërthamore që ndodhen jo shumë larg Motegit.
Fukushima gjendet vetëm 171 kilometra larg cirkuitit ku zhvillohet gara.
