Presidenti i Republikës së Kosovës, Fatmir Sejdiu tha sot në fjalimin e tij vjetor në Parlamentin e Republikës së Kosovës, se idetë për lëvizje kufijsh janë të rrezikshme, ndërsa i bëri thirrje Beogradit që të heqë dorë nga mbështetja e strukturave paralele. I bojkotuar nga një pjesë e opozitës së Kosovës, fjalimi i presidentit të Republikës së Kosovës, Fatmir Sejdiu u përqendrua në arritjet e vendit dhe në thirrjet për angazhim më të fuqishëm në luftën kundër korrupsionit dhe krimit të organizuar.