Kryeministri Berisha ka përshëndetur sot fillimin e dialogut mes Kosovës dhe Serbisë në Bruskel. Në një deklaratë për shtyp kryeministri Berisha e cilëson dialogun si një proces i domosdoshëm për konsolidimin e pavarësisë, integritetit territorial të Republikës së Kosovës por gjithashtu, si një proces që kontribuon në paqen dhe stabilitetin në rajon.
“Zgjidhja nga shteti i lirë dhe i pavarur i Kosovës i të gjitha problemeve, me fqinjët në tërësi dhe Serbinë në veçanti, ka rëndësi parësore në konslodimin, sovranitetin dhe integritetin territorial të Republikës së Kosovës, fuqizimin e rolit të saj në bashkëpunimin, integrimin rajonal, europian dhe euroatlantik” thekson Berisha.
Gjithashtu kryeministri Berisha ka përshëndetur angazhimin e BE-së, zyrës së Baroneshës Ashton, në lehtësimin e dialogut, si dhe mbështetjen e Qeverisë së SHBA, si një kusht i domosdoshëm për ecurinë pozitive dhe suksesin e tij.
Ai thekson se e ardhmja europiane, e shqiptarëve dhe serbëve, përben bazën solide për të nisur një kapitull të ri në marrëdhëniet dhe bashkëpunimin midis këtyre dy kombeve.
