Kryetarja e Kuvendit të Shqipërisë, Jozefina Topalli, mësohet se e ka shtyrë vizitën e saj zyrtare, të planifikuar në Japoni, gjatë datave 14-15 mars 2011.
Për shkak të gjendjes alarmante të krijuar atje, pas tërmetit të fuqishëm dhe tsunamit shkatërrues, kryeparlamentarja e ka parë me vend realizimin e kësaj vizite në një moment tjetër.
Ndërkaq, mësohet se Topalli i ka dërguar një letër ngushëllimi kryetarit të Dhomës së Përfaqësuesve të Japonisë, Takahiro Yokomichi.
"Në këto momente të vështira, lutemi që populli japonez të kapërcejë këtë katastrofë", shkruan ajo.