Kryeministri i Shqipërisë, Sali Berisha, përsëri e ka ftuar Partinë Socialiste opozitare që të marrë pjesë në Kuvend dhe tha se është i gatshëm, që me çdo kusht ta dëgjoj zërin e saj.
“Ftoj opozitën që të marrë pjesë në Kuvend dhe të japë kontribut për reformat”, tha Sali Berisha.
Sipas tij, “zëri i saj do të dëgjohet madje në përmirësimet e kodit në bazë të sugjerimeve të OSBE-së, opozita do të ketë rol vendimtar”.
Zoti Berisha tha se “reformat do të realizohen, por nuk është mirë t’ia lëmë meritën vetëm njerës palë”.
Nesër kryeministri Sali Berisha e bënë një vizitë në Kosovë, me ç’rast do të takohet me zyrtarët më të lartë dhe me liderë të partive politike.