Policia e Shqipërisë ka reaguar sot ndaj protestave të mbështetësve të Partisë Socialiste nëpër akset rrugore nacionale.
Zëdhënësja e policisë njoftoi sot se “policia veproi sot e detyruar ndaj bllokimit 7-10 minutësh që iu bënë disa akseve rrugore në vend nga një numër i kufizuar personash”.
“Bllokimi i akseve nacionale me qëllim përbën vepër penale që në bazë të kodit penal dënohet me gjobë deri në 3 vjet burg”, thuhet në njoftimin e policisë.
Policia thekson se sot ndaj protestuesve u morën masat e duhura sipas ligjit me qëllim hapjen e akseve rrugore dhe lirimin e trafikut si dhe lajmeroi ndjekje penale ndaj organizuesve të këtyre protestave.
