Shtabi i Emergjencës pranë Prefekturës Shkodër, raporton sot se sipërfaqja e zonave të përmbytura ka rënë në 11.600 hektarë, pas tërheqjes së ujit nga disa zona të Shkodrës.
Situata është përmirësuar me liqenin, i cili është tërhequr rreth 400 metra por edhe me lumenjtë prurjet e të cilëve po rikthehen në normalitet.
Po kështu, burime zyrtare të Shtabit të emergjenës thonë se ditën e sotme 3600 banesa konsiderohen të përmbytura dhe të pa banueshme.
Dy ditë më parë sipërfaqja e tokës së përmbytur ishte plot 13.000 hektarë ndërsa rreth 1.400 hektarë tashmë janë liruar nga “pushteti” i ujit.
Ndërkohë të evakuar janë ende 14 mijë e 200 persona të cilët po furnizohen vazhdimisht me ushqime, ilaçe dhe veshmbathje sipas nevojave që ata kanë.
