AI: BE është bashkëfajtore në torturimin e migrantëve në Libi - Bota Sot
AI: BE është bashkëfajtore në torturimin e migrantëve në Libi

Afrika

E shtunë, 18 gusht 2018

AI: BE është bashkëfajtore në torturimin e migrantëve në Libi

Më: 12 dhjetor 2017 Në ora: 07:31
ilustrim

Qeveritë evropiane janë me vetëdije bashkëfajtore në torturimin dhe abuzimin e refugjatëve dhe migrantëve në Libi, tha organizata për të drejtat e njeriut Amnesty International.

Në përpjekje për të frenuar migrimin, BE po mbështet në mënyrë aktive “një sistem të abuzimit dhe shfrytëzimit” në brigjet e Libisë, thuhet në raport.

Sipas të njëjtit, fondet e BE-së shkojnë tek autoritetet që punojnë me milici dhe kontrabandistë të njerëzve.

Bashkimi Evropian ka siguruar anije, trajnim dhe fonde për rojën bregdetare të Libisë.

Libia është rrugëkalimi kryesor për migrantët që bëjnë përpjekje të arrijnë Evropën.

Arritjet në Itali – destinacionin kryesor të anijeve – kanë rënë ndjeshëm pasi BE i ka ndarë fonde rojës bregdetare.

Por, Amnesty tha se ajo po punon me bandat kriminale dhe kontrabandistët e njerëzve, të cilët janë fajtorë për një sërë abuzimesh, me dijeninë e zyrtarëve të Bashkimit Evropian.

Rruga për të parandaluar migrimin ka rezultuar me “paraburgime masive dhe arbitrare” të refugjatëve dhe emigrantëve, tha Amnesty International.

Sot mund të lexoni Shfletoni kopertinat
Sondazh
test