Faton Brahimi po kërkohet nga Policia e Kosovës për vrasjen e djeshme të familjarit të tij Bashkim Brahimaj, në Novosellë të Pejës.
Policia e Kosovës ka shpallur person në kërkim, të dyshuarin për vrasjen e djeshme në Novosellë të Pejës, e cila dyshohet të jetë bërë për çështje pronësore.
Faton Brahimi, 47 vjeç kërkohet për vrasjen e Bashkim Brahimit ,ndryshe kushëririt të tij.
Në raportimet e para u theksua se Brahimi kreu vrasjen me armë AK-47, në sy të familjarëve të tjerë.
E nga Policia e Kosovës kanë bërë të ditur se në shtëpinë e të dyshuarit janë gjetur armë të shumta.
Gjatë kontrollit në shtëpinë e të dyshuarit janë gjetur dhe konfiskuar: një mitroloz, një pistoletë, pajisje për pastrim të armës, 890 fishekë të kalibrave të ndryshëm dhe pesë predha poashtu kalibra të ndryshëm.
