Viktimat u qëlluan mes vete dhe mbetën të vrarë, teksa e pësoi edhe vëllau i Astrit Ademajt, njëri prej viktimave.
Kështu ka mësuar media nga burime pranë vendit të ngjarjes.
Sipas këtyre informatave, gjithmonë jozyrtare, Astrit Ademaj, kandidat i PDK-së për kryetar të Pejës dhe Blerand Kadriaj, ish-kandidat i PDK-së për Deçan, janë qëlluar mes vete pas një mosmarrëveshjeje dhe kanë mbetur të vrarë.
Ndërkaq, aty ka qenë edhe vëllau i kandidatit të Pejës, Astrit Ademaj, i cili ka mbetur i plagosur.
Blerand Kadriaj ka qenë ish- kandidat për kryetar të Komunës së Deçanit.
Ai ka qenë edhe këshilltar i Bedri Hamzës dhe Kadri Veselit.
Shkaqet e kësaj vrasje ende nuk dihen, derisa me rastin po merren organet e hetuesisë.
