Deputetja e LDK-së Hykmete Bajrami, ka reaguar lidhur me videon propaganduese të VV-së, ku flet për veprimet e opozitës dhe hedh akuza të rënda ndaj tri partive parlamentare opozitare.
Bajrami i ka quajtur të mjerë e dështakë partinë në pushtet.
“Ju jeni dështakë, praktikantë e të dëmshëm. Ju jeni fatkeqësia e këtij vendi. Që dy vjet e gjysmë asnjë e mirë për këtë vend përveç video propaganduese, skandale, korrupsion e tash izolim dhe sanksione”, ka shkruar Bajrami në Facebook.
Shkrimi i plotë:
Jeni të mjerë
Mjerë ky vend që po e qeverisni
U prishët me miq e aleatë. Dështuat në secilën përpjekje në Veri.
Nuk realizuat asnjë premtim - asnjë të vetëm dhe sot delni e na thoni që jemi me Serbinë!?
Kush? Ju që me veprimet e juaja e kthyet përendimin kundër Kosovës, në përkrahës të Serbisë.
Ju na thoni neve që jemi me Serbinë!
Neve që kemi familjarë të vrarë, në vija të frontit! Neve që i takojmë partisë që e ndërkombëtarizoj çështjen e Kosovës, që bashkë me miq e aleatë e bëmë Kosovën shtet.
Neve që pa kalkulu në vota kemi ecë përpara, sa herë e ka kërku ky vend, që ju sot po e shkatërroni!
Kujt po i thoni hajna Ju?
Ju mbrojtësit e Martin Berishajt e Nagip Krasniqit?!
Ju Qeveria e tenderëve njëburimorë?!
Ju jeni të mbështjellur në korrupsion.
Ju keni ardhë me premtimin ''HAJNAT NË BURG'', nëse ju po e dini kush është hajn pse po i leni të lirë???
A nuk i keni të gjitha nivelet e pushtetit?
Ju jeni dështakë, praktikantë e të dëmshëm. Ju jeni fatkeqësia e këtij vendi.
Që dy vjet e gjysmë asnjë e mirë për këtë vend përveç video propaganduese, skandale, korrupsion e tash izolim dhe sanksione.
