Ish-deputeti i AAK-së, Daut Haradinaj, tha se në kohën kur Radojiçiqi është prituar nga Ramush Haradinaj, nuk ka pasur akuzë e as s’ka qenë në listë të zezë të SHBA-së.
Daut Haradinaj deklaroi në “Pressing” se për të Oliver Ivanoviq është kriminel i luftës.
“Dallimin duhet me bo se Radojiçiq nuk ka qenë i akuzuar, as në listë të zezë. Unë nuk qes lot krokodili për Oliver Ivanoviqin, ai ka qenë një kriminel lufte që i ka vra shqiptarët në Mitrovicë, gra, fëmijë e pleq. Dhe unë nuk shkoj si Albin Kurti me vajtu për të, me thanë ai ka qenë lideri historik e ka kqyr me zhvillu Kosovën”, tha ai në Pressing.
“Radojiçiq në momentin që i është ngrituar aktakuza, ai për mua është një njeri i akuzuar. Ai ka qenë nënkryetar i Listës Sërbe, që Kurti e ka pas në koalicion. Bile e kemi dëgju shefen e Grupit kur s’len gjë të zezë pa folë, kur shkëmbejnë me Radojicicin, edhe mas kohës kur ai është i akuzuar dhe në listën e zezë. Pra ka dallim shumë të madh”, u shpreh ai.
Tutje, Haradinaj tha se në të ardhmen do të dalin shumë skandale të Qeverisë Kurti.
“Janë disa klane brenda VV-së që e kanë kap pushtetin, ka incizime të panumërta që po sillen nëpër duar të njerëzve, tanat kanë me dalë. Po e incizojnë njëri-tjetrin, për afëra korruptive, afera të drogave”, tha ai.
“Moral politik e kombëtar nuk është mirë me shitë”, u shpreh ai.
