Komuna e Podujevës ka njoftuar se inspektorët e tregut kanë dënuar një market në qytet me një gjobë prej 2 mijë eurosh, për shkelje të ligjit në lidhje me mbrojtjen e konsumatorit.
Gjoba ka ardhur si rezultat i kontrollit rutinor, gjatë të cilit u zbuluan dy shkelje kryesore.
Sipas njoftimit, inspektorët kanë konstatuar se marketi kishte mospërputhje të çmimit në raftë dhe arkë, çka është e ndaluar ligjërisht.
Për këtë shkelje, marketi është gjobitur me dy gjoba mandetore, me një shumë prej një mijë eurosh.
Gjithashtu, një shkelje tjetër e konstatuar ishte mosvendosja e flamurit të origjinës së produkteve në disa raste.
Kjo shkelje po ashtu përbën një shkelje të ligjit për mbrojtjen e konsumatorit, dhe marketi është gjobitur përsëri për këtë arsye.
Në përfundim, njoftimi thotë se Drejtoria e Inspeksionit inkurajon konsumatorët të vazhdojnë të raportojnë çdo shkelje të mundshme.
Në rastet kur konstatohen parregullsi, masa ndëshkuese do të merren në pajtim me ligjet në fuqi për të gjithë shkelësit.
