Ish-komandanti i forcave ajrore në Turqi ka mohuar se është ai organizatori i grushtit të shtetit.
Gjenerali Akin Ozturk dhe 26 zyrtarë të tjerë akuzohen për tradhti.
Por, gjatë marrjes në pyetje nga prokurorët, ai ka këmbëngulur: “Nuk jam unë personi që ka planifikuar apo drejtuar grushtin e shtetit”.
“Nuk e di kush e planifikoi apo drejtoi. Sipas eksperiencës time, mendoj se (lëvizja Gulen) tentoi këtë grusht shteti”, ka thënë Ozturk.
Por, ai ka shtuar se nuk mund të thotë se kush nga ushtria e organizoi dhe drejtoi këtë tentativë.
“Nuk kam informacion. Kam luftuar kundër kësaj strukture”, u shpreh ai.