Prokurori Elez Blakaj ka thënë se gërmimet në kërkim të mbetjeve mortore të të zhdukurve në luftën e fundit në Kosovë, që nisën sot, skaj Rektoratit të Universitetit të Prishtinës do të vazhdojnë edhe të enjten.
Ditë më parë është gërmuar edhe në dy lokacione tjera në ambientet e kampusit universitar, por pa rezultate.
Ai ka thënë se sipas udhëresës ky është lokacioni i fundit ku do të gërmohet, ndërsa ka lutur të gjithë qytetarët që kanë ndonjë informatë, për ndonjë lokacion, që ato t’ia ofrojnë prokurorisë së shtetit, apo institucioneve tjera relevante.