Deputetja e Kuvendit të Kosovës, Blerta Deliu-Kodra ka reaguar pas sulmit ndaj Kuvendit të Kosovës.
Deliu-Kodra thotë se ky sulm është i drejtuar ndaj shtetit të Kosovës dhe me akte të tilla po tentohet të cenohet stabiliteti në vend.
“Shqetësues dhe shumë i rëndë sulmi me predhë antitank drejtuar Institucionit më të lartë të vendit! Sulme si ky janë sulme drejtuar shtetit të Kosovës, janë tentim i hapur për të destabilizuar jetën e qytetarëve të Kosovës dhe për të cenuar stabilitetin e vendit”, shkruan në Facebook, deputetja Blerta Deliu-Kodra.
