Kryetari i Aleancës Kuq e Zi, Kreshnik Spahiu ka thënë në “Interaktiv” se Kosova dhe Shqipëria kanë ndërhyrje të mëdha nga ndërkombëtaret.
“Kemi një Shqipëri të gjunjëzuar dhe nuk mund të bëjë asgjë as për Kosovën dhe për shqiptarët në Maqedoni”, ka thënë Spahiu.
Ai ka thënë se çuditet se si Shqipëria nuk ka reaguar për demarkacionin dhe “Zajednicën”.
“Faktor bindës për demarkacion dhe ‘Zajednicë’ në këtë mes është Tirana zyrtare, pasi nëse dëshirojnë serbët të krijojnë atë bashkësi, atëherë Tirana duhet të kërkojnë ‘Zajednicë’ në Serbi, Mal të Zi dhe Maqedoni”, ka thënë Spahiu.
Ai ka përmendur rastin Reformës në Drejtësi të Shqipërisë, ku tha se demokratët janë bindur me “dajak”të ndërkombëtarëve, deri në kërcënim me mesazhe edhe nga partitë politike europiane.
