Kryeministri i Kosovës, Isa Mustafa, e ka uruar ish-kryeministrin e Portugalisë, Antonio Guterres, me rastin e zgjedhjes zyrtare në postin e Sekretarit të Përgjithshëm të Kombeve të Bashkuara.
Mustafa ka shprehur bindjen se Guterres është zgjedhja e duhur në këtë pozitë të rëndësishme për Organizatën e Kombeve e Bashkuara, bën të ditur një komunikatë nga Kryeministria.
Kryeministri, i cili ka pasur rastin të takohet me Guterres gjatë vizitës së fundit në Nju Jork, ka shprehur besimin se sekretari i ri i OKB'së do të vazhdojë përkrahjen e tij për Kosovën dhe proceset e saj.
