Presidenti i Kosovës, Hashim Thaçi ka pritur këtë të mërkurë karateistin e përfaqësueses së Kosovës, Herolind Nishevci.
Ai në Kampionatin Botërorë të Karatesë ka fituar medaljen e bronztë.
“Pas xhudos dhe futbollit, karateja është disiplina e re që i solli suksesin e radhës Kosovës në arenën ndërkombëtare”.
“Karateisti Herolind Nishevcin në mesin e 118 shteteve, ngriti flamurin e Kosovës në vendin e tretë, duke fituar medaljen e bronztë në Kampionatin Botëror të Karatesë që është mbajtur muajin e shkuar në Linz të Austrisë”, ka shkruar Thaçi në llogarinë e tij në Facebook.
“Kjo dëshmon që, Kosova ka talent të shumtë në të gjitha disiplinat sportive, të cilët më shumë duhet të mbështeten nga të gjitha institucionet”, ka përfunduar Thaçi.