Rezultatet e para nga disa qendra të votimit në Drenas, ku sot u mbajtën zgjedhje të jashtëzakonshme për kryetar të Komunës, tregojnë se Partia Demokratike e Kosovës po udhëheq garën. Por, trendi i votimit sugjeron se PDK nuk do të arrijë t'i fitojë këto zgjedhje pa balotazh, për herë të parë.
Nisma për Kosovën do të dalë e dyta, sipas rezultateve të para, që i ka siguruar media.
Kandidati i PDK'së, Ramiz Lladrovci, është i pari në Vasilevë, Llapushnik dhe në qendër të Drenasit.
Ndërkaq, kandidati i Nismës, Isa Xhemajlaj, prin në Komoran, Baicë e Arrlat, dhe qëndron pas Lladrovcit me një diferencë të vogël të votave në zonat e sipërpërmendura.
Media ka siguruar rezultatet nga një vendvotim në Drenas, ku sot u mbajtën zgjedhje të jashtëzakonshme për kryetar të Komunës. Nëse këto rezultate përfaqësojnë trendin e votimit, në Drenas mund të ketë balotazh për herë të parë.
Rezultatet nga një klasë e një qendre votimi tregojnë se kandidati i Partisë Demokratike të Kosovës, Ramiz Lladrovci, ka siguruar 90 vota.
Isa Xhemajlaj, kandidat nga Nisma për Kosovën, ka marrë 84 vota.
Pas tyre renditen Xhavit Drenori, kandidat i pavarur, me 36 vota, dhe Elmi Thaqi nga Aleanca Kosova e Re, me 5 vota.
PDK udhëheq në Vasilevë, Nisma e dyta
Rezultatet nga një klasë e një qendre votimi në fshatin Vasilevë tregojnë se Ramiz Lladrovci, kandidat nga Partia Demokratike e Kosovës, ka siguruar 133 vota.
Kandidati i Nismës për Kosovën, Isa Xhemajlaj, ka marrë 55 vota.
Pas tyre renditet Xhavit Drenori, kandidat i pavarur, me 24 vota.