(E plotësuar) - Komisioni Qendror Zgjedhor ka vendosur që balotazhi në Drenas të mbahen më 18 dhjetor. Balotazhi në Drenas do të zhvillohet në mes kandidatit të PDK-së, Ramiz Lladrovci dhe atij të Nisma-s për Kosovën, Isa Xhemajlaj.
Kryetarja e Komisionit Qendror Zgjedhor, Valdete Daka, tha se marrë parasysh të gjitha kompetencat ligjore të KQZ-së dhe sekretariatit, data më e favorshme për mbajtjen e zgjedhjeve në raundin e dytë, është 18 dhjetori, meqë data 25 dhjetor dhe 1 janar 2017, janë festa shtetërore. Ky propozim u përkrah nga shumica e anëtarëve të KQZ-së.
Daka: Datat e zgjedhjeve në raundin e dytë për Drenasin më 18 dhjetor
“Duke i marrë parasysh të gjitha kompetencat tona ligjore, si dhe duke marrë parasysh se edhe sekretariati ka gatishmëri që t'i arrijë të gjitha afatet ligjore dhe t’i përfundon të gjitha obligimet të cilat i ka në kompetencë, unë propozoi që data e raundit të dytë të jetë 18 dhjetor 2016”, tha Daka.
Ajo ka mbështetur 18 dhjetorin për zgjedhje, duke marrë parasysh edhe interesin e votuesve, por edhe faktin se më 25 dhjetor dhe 1 janar nuk mund të ketë shumë vëzhgues ndërkombëtar, meqë janë festa.
Daka: Ne jemi të interesuar që të kemi sa më shumë vëzhgues ndërkombëtar
“Duke marrë parasysh se data 25 dhjetor dhe data 1 janar 2017, si data kishin me qenë sipas ligjit për zgjedhjet kur do t’i binte raundi i dytë janë festa shtetërore, si dhe duke marrë parasysh edhe interesin e votuesve por edhe faktin se në këto dy data nuk do të kemi shumë vëzhgues ndërkombëtar, ne jemi të interesuar që të kemi sa më shumë vëzhgues ndërkombëtar dhe me këtë i japim kredibilitet zgjedhjeve dhe raundit të dytë”, tha Daka.
Betim Gjoshi, anëtar i KQZ-së nga PDK, fillimisht propozoi që data e zgjedhjeve të jetë sa më afër dhe të mos mbahen zgjedhjet për balotazh në festat e fund vitit.
Ndërsa, Valdete Daka ka komentuar edhe zgjedhjet e mbajtura dje në Drenas, e cila tha se ka qenë një proces zgjedhor pa asnjë kuti të ri-numrit të votave.
***
Balotazhi në Drenas mbahet më 18 dhjetor
Komisioni Qendror Zgjedhor ka vendosur që zgjedhjet e jashtëzakonshme në Drenas të mbahen më 18 dhjetor.
Balotazhi në Dreans do të zhvillohet në mes kandidatit të PDK-së Ramiz Lladrovci, dhe atij të NISMA-s, Isa Xhemajlaj.
***
Mbledhja e KQZ-së (Drejtpërdrejt)
Komisioni Qendror i Zgjedhjeve po mban mbledhjen e radhës, ku pritet të publikojë rezultatet përfundimtare për zgjedhjet në Drenas, ku përfshinin edhe votat me kusht dhe e personave me aftësi të kufizuara.
Po ashtu, mbetet të shihet nëse zyrtarisht është vendosur data se kur do të vendoset që kjo komunë t’i mbaj zgjedhjet në Drenas.
